اسلام آباد(آئی این پی ) پاکستان تحریک انصاف کے چیئر مین عمران خان نے دعوی کیا ہے کہ راولپنڈی اور اسلام آباد میٹرو منصوبے کے آڈٹ میں کرپشن سامنے آئی ہے، پنجاب حکومت کے جس منصوبے کو بھی ہاتھ لگائیں وہ کرپشن میں لتھڑا ہوا ملے گا،آڈٹ اعتراضات کے باوجود اسپیشل ڈیپارٹمنٹل کمیٹی نے بہت سے کیسز زبردستی دبادیئے۔ پیر کو سماجی رابطے کی ویب ساٹ ٹوئٹر پر اپنے پیغام میں عمران خان نے الزام لگایا کہ پنجاب حکومت
کے جس منصوبے کو بھی ہاتھ لگائیں وہ کرپشن میں لتھڑا ہوا ملے گا، شہباز شریف کے دعوے کہ پنجاب میں ایک دھیلے کی کرپشن نہیں ہوئی، پنجاب میں گڈگورننس کی حقیقت سمجھنے کیلئے یہ کافی ہے۔چیئرمین پی ٹی آئی نے آڈٹ رپورٹ کا حوالے دیتے ہوئے کہا کہ آڈٹ میں راولپنڈی اسلام آباد میٹرو منصوبے میں کرپشن اور بے ضابطگیاں سامنے آئیں، آڈٹ اعتراضات کے باوجود اسپیشل ڈیپارٹمنٹل کمیٹی نے بہت سے کیسز جبرا ًدبادیئے۔
