اسلام آباد(مانیٹرنگ ڈیسک ) آرمی چیف جنرل قمر جاوید باجوہ نے 23مارچ یوم پاکستان کے موقع پر کفایت شعاری اورسادگی کی شاندار مثال قائم کر دی۔ تفصیلات کے مطابق آرمی چیف جنرل قمر جاوید نے 23مارچ یوم پاکستان کے موقع پر کفایت شعاری اور سادگی کی عمدہ اور شاندار مثال قائم کرتے ہوئے اپنے سے پہلے آرمی چیفس کو بھی پیچھے چھوڑ دیا ہے۔ پاک فوج کے سربراہ جنرل قمر جاوید باجوہ نے اس بار یہ ہدایت کی تھی کہ ایسی گاڑیوں پر بھاری اخراجات ہوتے ہیں لہٰذا پریڈ
کے موقع پر جو سرکاری جیپ ہر فورس کے سربراہ کے پروٹوکول کے مطابق ہوتی ہے اسے دی جائے اور پریڈ شروع ہونے سے قبل یہ مناظر سب نے دیکھے کہ آرمی چیف، فضائیہ کے سربراہ ایئر چیف مارشل مجاہد انور، نیول چیف ایڈمرل ظفر محمود عباسی اور چیئرمین جوائنٹ چیفس آف سٹاف کمیٹی جنرل زبیر محمود حیات فوجی جیپوں پر ہی آئے اور حاضرین نے اس تبدیلی کو سراہا جبکہ دوسری طرف وزیر دفاع خرم دستگیر انھیں فراہم کی گئی سرکاری کار کی بجائے پراڈو میں آئے ۔
