اسلام آباد (سی پی پی)عمران خان نے کہا ہے کہ پارٹی ٹکٹ کے حوالے سے ویٹو کا حق میں اپنے پاس رکھوں گا ، جب تک کسی امیدوار سے مطمئن نہیں ہوں گا ، کسی کو ٹکٹ جاری نہیں کیا جائیگا۔نجی ٹی وی سے گفتگو کرتے ہوئے انہوں نے کہاکہ 2013 کے الیکشن میں مجھے وقت نہیں ملا، اس مرتبہ یہ ہو گا کہ جب تک میں مطمئن نہیں ہوں گا، تب تک کسی امیدوار کو ٹکٹ نہیں دیا جائے گا۔پچھلی مرتبہ ہمیں پتہ چلا کہ کچھ لوگوں نے ٹکٹ حاصل کرنے
کے لیے پیسے دئے، لیکن اس مرتبہ آخری ویٹو میرے پاس ہو گی ۔میں جس طرح کے لوگوں کو سایست میں لانا چاہتا تھا اور جس طرح کے پڑھے لکھے لوگوں کو سیاست میں آنا چاہئیے وہ نہیں آتے۔ بد قسمتی سے کچھ لوگ خود غرض ہو جاتے ہیں، اور کہتے ہیں کہ ہماری فیکٹری ہے ، ہمیں ضرورت نہیں ہے یا پھر وہ بزدل ہو جاتے ہیں اور مافیا کا مقابلہ نہیں کرتے،جس طرح مجھ پر کیسز ہیں، میں سامنا کر رہا ہوں لیکن ایک عام آدمی یہ سب برداشت نہیں کر سکتا۔
