اسلام آباد (مانیٹرنگ ڈیسک)چیف جسٹس آف پاکستان جسٹس ثاقب نثار نے پنجاب پولیس کے اہلکاروں کے موٹاپے کا نوٹس لے لیا۔ تفصیلات کے مطابق نجی ٹی وی سما نیوز کی رپورٹ کے مطابق چیف جسٹس آف پاکستان جسٹس ثاقب نثار نے پنجاب پولیس کے اہلکاروں کے موٹاپے کا ازخود نوٹس لے لیا ہے۔ اہلکاروں کی باہر کو نکلی توندیں دیکھ کر چیف جسٹس ثاقب نثار کا کہنا ہے کہ اتنا موٹاپا کیا پولیس افسر
کی فٹنس کے معیار پر پورا اترتا ہے؟واضح رہے کہ اس سے قبل سابق وزیراعظم نواز شریف کی صاحبزادی مریم نواز بھی پنجاب پولیس کے اہلکاروں کے موٹاپے پر اپنی تشویش کا اظہار کر چکی ہیں۔ مریم نواز کی ایک ویڈیو انٹرنیٹ پر وائرل ہوئی تھی جس میں وہ پنجاب پولیس کے موٹے اہلکاروں بارے بات کرتے ہوئے کہہ رہی ہیں کہ پولیس والوں کو تو دیکھو ان کے پیٹ کتنے نکلے ہوئے ہیں۔
