لاہور (ا ین این آئی) خوبرو اداکارہ و کمپیئر عائشہ ثناء کراچی اور لاہور کے درمیان شٹل کاک بن گئیں ، ایک ماہ کے دوران 14مرتبہ کراچی سے لاہور آمدو رفت کی۔ ذرائع کے مطابق عائشہ ثناء کراچی میں بننے والی ریکارڈنگ میں حصہ لینے کے ساتھ مختلف ملٹی نیشنل کمپنیوں کے شوز میں کمپیئرنگ بھی کررہی ہیں ۔
ایک ماہ کے دوران ان کی ڈرامہ مصروفیات میں اس قدر اضافہ ہوا کہ انہیں لاہور اور کراچی کے درمیان چودہ مرتبہ فضائی سفر کا سامنا کرنا پڑا ۔ یاد رہے کہ عائشہ ثناء کی ایک ڈرامہ سیریل ’’ نصیبو جلی ‘‘ نجی ٹی وی چینل سے آن ایئر ہے جس میں ان کے کردار کو عوامی سطحی پر بڑی مقبولیت حاصل ہو رہی ہے۔
