لاہور (مانیٹرنگ ڈیسک)سینئر صحافی حسن نثار نے ایک نجی ٹی وی چینل کے پروگرام میں گفتگو کرتے ہوئے کہاکہ ہماری فلم انڈسٹری میں دو بھائی تھے عنایت حسین بھٹی اور کیفی، عنایت حسین بھٹی وہ گاتے بھی تھے اداکار بھی تھے، ہیرو بھی تھے اور ڈائریکٹر بھی تھے، عنایت حسین بھٹی کے بھائی کیفی سے ایک ٹی وی انٹرویو میں پوچھا گیا کہ آپ کا پسندیدہ ہیرو کون سا ہے جس کے جواب میں انہوں نے کہا کہ ویسے تو مارلن برانڈو، دلیپ کمار اور بھی بہت سے بڑے لوگ ہیں لیکن بھائی جی
عنایت حسین بھٹی کا کوئی جواب ہی نہیں، جب سوال کیا گیا کہ سنگر کون سا پسند ہے تو انہوں نے محمد رفیع اور دیگر کا نام لیتے ہوئے کہا کہ یہ بھی دنیا میں اچھے سنگر ہیں لیکن جو بھا جی کی بات ہے۔ سینئر صحافی حسن نثار نے کہا کہ یہ شریف خاندان اس طرح کا قبیلہ ہے، قائداعظم ثانی، کچھ حیا کرو۔ سینئر صحافی نے کہا کہ پانامے ایون فیلڈز کوئی شرم کرو، چالیس چالیس گاڑیوں کے قافلے، تم ملک لوٹ کر باہر لے گئے، یہ غاصب انگریزوں سے، یہ غیرملکی آقاؤں سے بدترین لوگ ہیں۔
