اسلام آباد(مانیٹرنگ ڈیسک)عمران خان نے لاہور میں  پی ٹی آئی ویمن ورکرز کنونشن سے خطاب کرتے ہوئے کہاکہ کرپٹ مافیا ملک پرقبضہ کرکے بیٹھا ہوا ہے۔تقریب سے خطاب کرتے ہوئےشہباز شریف پر سخت تنقید کرتے ہوئے کہا ہے کہ سیاست اقتدار اور طاقت کے حصول کیلئے کی جاتی ہے اور تحریک عوام کی فلاح اور ترقی کیلئے چلائی جاتی ہے۔ ادارے مضبوط اور انسانوں پر پیسہ خرچ کرنے کی ضرورت ہے۔

صبح اٹھ کر دیکھو تو ہر اخبار میں شہباز شریف کی تصویر نظر آتی تھی ، شکر ہے چیف جسٹس نے شہباز شریف کو عوامی پیسے سے تشہر سے روک دیا۔عمران خان کا کہنا تھا کہ آئندہ6 مہینوں میں ملک بدل جائے گا،مذاق اڑانے والے آج پی ٹی آئی میں شامل ہورہے ہیں۔ن لیگ کا چیئرمین سینٹ آتا تو چوری کرنے کا قانون بنا دیا جاتااچھا ہوا کہ ن لیگ کا چیئرمین سینٹ نہیں بننے دیا گیا، پنجاب میں میٹرو بنادی گئی لیکن ہسپتالوں کی حالت سب کے سامنے ہے۔جبکہ خیبرپی کے میں تعلیم و صحت اور پولیس کا بہترین نظام ہے مردان میں لوگ پولیس کو خراج تحسین پیش کرنے کیلئے سڑکوں پر نکلے، پختونخواہ میں ایک ارب درخت لگائے۔ ملتان میٹرو بس خالی چل رہی ہے لوگ ملتان میٹرو میں نہیں بیٹھتے ، خالی سیٹوں کو چھپانے کیلئے ملتان میٹرو کے شیشے کالے کر دئیے گئے ہیں۔ جمہوری آمر زیادہ خطرناک ہوتا ہے اداروں کو تباہ کر دیتا ہے۔ شہباز شریف سے بڑا ڈرامہ کہیں نہیں ملے گا۔شہباز شریف نے پیسہ بنانے کیلئے ملتان میٹرو بنائی۔الیکشن میں نئے پاکستان کافیصلہ ہوجائے گا۔انہوں نے کہاکہ ہم نے سینیٹ میں ن لیگ کوشکست دی ہے ۔جبکہ نواشریف کیوں نکالا کا رونا رورہے ہیں۔شریف خاندان کوچوری کاقانون بنانے کی اجازت نہیں دی۔