اسلام آباد(مانیٹرنگ ڈیسک) عبوری حکومت کے قیام کے عمل سے ن لیگ آئوٹ، مفاہمت کے بادشاہ زرداری اور شہنشاہ جذبات عمران خان کی جانب سے نواز شریف کو بڑا سرپرائز دئیے جانے کا امکان۔ تفصیلات کے مطابق نجی ٹی وی جیو نیوز کے پروگرام ’’لیکن‘‘کی اینکر رابعہ انعم نے دعویٰ کیا ہے کہ تحریک انصاف اور پیپلزپارٹی کے درمیان نگران حکومت کے قیام کیلئے اتحاد ہونے کا امکان ہے اور دونوں جماعتیں تحریک انصاف اور پیپلزپارٹی اپنے
حریف اور حکمران جماعت ن لیگ کو عبوری حکومت کے قیام کے عمل سے آئوٹ کرنے کیلئے ایک مرتبہ پھر اتحاد بنا سکتی ہیں اور اس حوالے سے دونوں جماعتوں کے درمیان بیک ڈور رابطے قائم ہو گئے ہیں۔ رابعہ انعم کا کہنا تھا کہ چیئرمین و ڈپٹی چیئرمین سینٹ کے الیکشن کی طرح تحریک انصاف اور پیپلزپارٹی کی کوشش ہے کہ ن لیگ کو عبوری حکومت کے قیام کے عمل سے آئوٹ کر کے عبوری حکومت سے متعلق خود اتفاق رائے سے فیصلہ کیا جائے۔
