ا سلام آباد (این این آئی)پنجاب اور اسلام آباد سے منتخب ہونے والے14 آزاد سینیٹرز نے ن لیگ میں شمولیت اختیار کرلی۔ذرائع کے مطابق آصف کرمانی، رانا مقبول ،رانا محمود الحسن ،ہارون اختر ،ڈاکٹر اسد اشرف ، سعدیہ عباسی، اسحاق ڈار،شاہین خالد بٹ اور نزہت صادق نے بھی ن لیگ جوائن کرلی۔

مصدق ملک ، حافظ عبدالکریم اور کامران مائیکل اسلام آباد سے نومنتخب سینیٹرز مشاہد حسین سید اور اسد جونیجو بھی ن لیگ میں شامل ہوگئے۔تمام سینیٹرز نے حلف اٹھانے سے قبل ن لیگ میں شمولیت کے لیے فارمز پر دستخط کردیے تھے، تمام سینیٹرز کی طرف سے الیکشن کمیشن اور سینیٹ سیکرٹریٹ کو آگاہ کردیا گیا ہے۔