اسلام آباد (مانیٹرنگ ڈیسک)وزیراعظم شاہد خاقان عباسی کی بہن سعدیہ عباسی احتساب عدالت پہنچ گئیں تاہم انہیں عملے نے اندر داخل ہونے سے روک دیا ۔ تفصیلات کے مطابق میاں نواز شریف اور مریم نواز کی احتساب عدالت میں پیشی پر وزیراعظم خاقان عباسی کی بہن سعدیہ عباسی احتساب عدالت پہنچیں تو انہیں عملے نے اندر داخل ہونے سے روک دیا ۔
میڈیا رپورٹس کے مطابق احتساب عدالت کے باہر موجود ن لیگی رہنمائوں نے سعدیہ عباسی کو نہیں پہچانا جب انہوں نے اپنا تعارف کرایا توکچھ دیر بعد ایس ایس پی سکیورٹی ڈیوژن جمیل ہاشمی پہنچے اور نواز شریف کے آنے سے کچھ دیر قبل ہی ان کو خصوصی پروٹوکول دے کر دوسرے راستے سے سعدیہ عباسی کو اندر لے گئے۔ یاد رہے کہ وزیر اعظم کی ہمشیرہ سعدیہ عباسی حال ہی میں سینیٹر منتخب ہوئی ہیں،وہ بیس سال قبل نواز شریف کے تمام کیسز کو دیکھتی رہیںہیں۔
