اسلام آباد(مانیٹرنگ ڈیسک) ملتان میں عمران خان کے دورے کے دوارن قافلے میں موجود گاڑی کی ٹکر سے پولیس اہلکار جاں بحق ہوگیا۔ جاں بحق پولیس اہلکار ڈی ایس پی صدر کا گن مین تھا۔نجی ٹی وی کے مطابق عمران خان اپنے قافلے کے ساتھ بند بوسن کے علاقے میں کارکنوں سے خطاب کرکے نکلے تو عمران کی سیکیورٹی پر تعینات ممتاز نامی پولیس کانسٹیبل گاڑی
کی ٹکر سے شدید زخمی ہوگیا۔کانسٹیبل ممتاز کو نشتر اسپتال لے جایا جارہا تھا کہ وہ دم دوڑ گیا۔ ممتاز ڈی ایس پی صدر کے گن مین کی ڈیوٹی پر تعینات تھا۔واقعہ کے بعد ورثا اور اہل محلہ کی کثیر تعداد نشتر ہسپتال پہنچ گئی۔ جبکہ پولیس نے واقعہ کی بعد گاڑی کی تلاش شروع کردی۔ دوسری طرف آئی جی پنجاب نے نوٹس لیتے ہوئے آر پی او ملتان سے واقعہ کی رپورٹ طلب کرلی۔
