فیصل آباد (مانیٹرنگ ڈیسک) پاکستان مسلم لیگ (ن) کے ایم پی اے جمال لغاری نے اپنے قبیلے کے لوگوں سے خطاب کرتے ہوئے کہا کہ میرے دل میں کھوٹ نہیں ہے بالکل صاف ہوں جس وقت بھی ملتا ہوں کوشش کرتا ہوں کہ کسی کی دل آزاری نہ ہو، جس وقت ملتا ہوں دل سے ملتا ہوں یہ تعلق کوئی بھی ختم نہیں کر سکتا، میں آپ لوگوں سے گزارش کر رہا ہوں، آپ کو واسطہ دے رہا ہوں
رب العزت کا، خانہ کعبہ کا اور اپنے باپ کا ن لیگ کے جلسے میں ایسے شرکت کریں کہ پتہ چل جائے کہ کسی نے شرکت کی ہے۔ اس موقع پر ایم پی اے جمال لغاری نے ہاتھ جوڑتے ہوئے کہا کہ میں آپ لوگوں سے گزارش کر رہا ہوں جب آپ سترہ تاریخ کو اس جلسے میں بارہ ساڑھے بارہ بجے تک پہنچ جاؤ اور پنڈال کو بھر دو۔ جس وقت آپ لوگ آؤ تو آپ کے جذبے کا پتہ چلنا چاہیے۔
