بارسلونا (نیوز ڈیسک ) لالیگا فٹبال ٹورنامنٹ میں ستاروں سے بھری فٹبال کلب ٹیم بارسلونا نے حریف ٹیم گیٹافے کو صفر کے مقابلے چھ گولز سے ٹھکانے لگا دیا۔ سپین میں جاری لالیگا فٹبال ٹورنامنٹ میں میزبان بارسلونا گیٹافے کو ہرا ٹائٹل کے لئے مضبوط امیدوار بن گئی ہے۔ بارسلونا کے کھلاڑیوں نے شاندار کھیل کا مظاہرہ کرتے ہوئے گیٹافے کی ٹیم کو صفر کے مقابلے 6 گولز سے عبرتناک شکست دی۔ بارسلونا کی جانب سے سٹار فٹبالر لیونل میسی اور لوئیس سواریز نے دو دو جبکہ نیمار اور زاوی نے ایک ایک بار گیند کو جال کی راہ دکھائی۔ ایونٹ میں بارسلونا 84 پوائنٹس کے ساتھ پہلی پوزیشن پر براجمان ہے جبکہ رئیل میڈرڈ دوسرے اور اٹلاٹیکو میڈرڈ کی ٹیم تیسرے نمبر پر ہے۔