فیصل آباد(این این آئی)پاکستان تحریک انصاف کے سربراہ عمران خان نے سابق وزیر اعظم محمد نوازشریف پر جوتا پھینکنے کے واقعہ کی مذمت کرتے ہوئے کہا ہے کہ کسی پر جوتا پھینکنا کوئی طریقہ نہیں ہے ٗ جوتا اور سیاہی پھینکنا غیر اخلاقی حرکت ہے ۔ میڈیا سے با ت چیت کرتے ہوئے عمران خان نے کہا کہ نوازشریف پر جوتا پھینکنے کی مذمت کرتا ہوں ٗ کسی پر جوتا پھینکنا کوئی طریقہ نہیں انہوںنے کہاکہ جوتا اور سیاہی پھینکنا غیر اخلاقی حرکت ہے ٗ

خوشی ہے اس حرکت میں پی ٹی آئی والا ملوث نہیںہے ۔ عمران خان نے کہا کہ عام لوگوں سے بھی کہتا ہوں ایسے کام نہیں ہونے چاہئیں ۔ میڈیا کے سوالوں کے جواب دیتے ہوئے عمران خان نے کہا کہ چھوٹے صوبے احساس محرومی کا شکار ہیں اور ہم کوشش کررہے ہیں کہ اگلا چیئر مین سینٹ بلوچستان سے بنے ۔انہوںنے کہاکہ چیئر مین سینٹ بلوچستان سے بنانے کی پوری کوشش کررہے ہیں اگر ہم کامیاب ہو گئے تو ریاست مضبوط ہوگی ۔