لندن (مانیٹرنگ ڈیسک) اپنے اوپر ہونے والے مظالم کی وجہ سے میں ملک سے فرار ہو گئی یہ الفاظ ایک لڑکی کے ہیں جس کی ویڈیو اس وقت وائرل ہے، میل آن لائن نے اپنی رپورٹ میں بتایا کہ یہ لڑکی اپنا نام شیخہ لطیفہ محمد بن راشد المکتوم بتاتی ہے اور اس کا دعویٰ ہے کہ وہ دبئی کے حکمران شیخ محمد بن راشد المکتوم کی بیٹی ہے۔

یہ لڑکی ویڈیو میں اپنا شناختی کارڈ بھی دکھا رہی ہے، اس لڑکی کا مزید کہنا تھا کہ مجھے دبئی میں اپنی مرضی کی زندگی جینے کی آزادی نہیں تھی، مجھے خفیہ طور پر تین سال تک جیل میں قید رکھا گیا اور ہسپتال میں ڈاکٹر مجھے ایسی نشہ آور ادویات دیتے رہے تاکہ میں اپنے باغی رویے سے ہٹ جاؤں، اس نے اپنی عمر بتاتے ہوئے کہا کہ میں 33سال کی ہوں اور میں شیخ محمد کے 30 بچوں میں سے ایک ہوں، اس نے بتایا کہ ایک فرانسیسی جاسوس کی مدد سے ملک سے فرار ہوئی ہوں اور اس وقت بھارت کے ساحل کے قریب ایک کشتی میں موجود ہوں، اس لڑکی کا کہنا ہے کہ میں امریکہ جانا چاہتی ہوں تاکہ وہاں سیاسی پناہ حاصل کر سکوں۔ اس نے بتایا کہ میں نے اس بابت ایک وکیل سے رابطہ کیا ہے۔ اس نے مزید کہا کہ مجھے 2000ء کے بعد بیرون ملک جانے کی اجازت نہیں تھی اور میری تمام حرکات و سکنات کی چوبیس گھنٹے نگرانی کی جاتی تھی، اس نے کہا کہ مجھے وہاں عام شہری جتنی آزادی بھی میسر نہیں تھی، اس نے کہا کہ میں وہاں سے نکلنے میں کامیاب تو ہو گئی ہوں لیکن مجھے خطرہ ہے کہ مجھے پکڑ کر دوبارہ جیل میں ڈال دیا جائے گا۔اس نے آخر میں کہا کہ لیکن مجھے امید ہے کہ لوگوں کی مدد سے میں امریکہ میں سیاسی پناہ حاصل کر لوں گی۔ میل آن لائن نے اپنی رپورٹ میں بتایا کہ یہ لڑکی اپنا نام شیخہ لطیفہ محمد بن راشد المکتوم بتاتی ہے اور اس کا دعویٰ ہے کہ وہ دبئی کے حکمران شیخ محمد بن راشد المکتوم کی بیٹی ہے۔