ریاض (سی پی پی ) سعودی عدالت نے بدنام زمانہ دہشتگرد تنظیم داعش سے تعلق ثابت ہونے پر 2 شامی باشندوں کو 11 برس قید کی سزا کا حکم سنا دی۔ العریبیہ نیوز کے مطابق سعودی عدالت میں مجرموں کے قبضے سے دہشتگرد تنظیم سے تعلق رکھنے کا مواد پیش کرنے اور اقرار جرم کے بعد سزا سنائی۔ عدالت نے 2 شامیوں کو 11 برس قید اور 10 دس ہزار ریال جرمانہ ادا کرنے کا حکم دیا۔
دونوں مجرموں کو 3 برس قبل گرفتار کیا گیا تھا تاہم سزا کا اطلاق بھی تین برس قبل سے ہوگا۔ انکے قبضے سے برآمد ہونے والا موبائل فون اور لیپ ٹاپ میں محفوظ فائلوں میں دہشتگرد تنظیم سے متعلق دستاویز ات محفوظ تھیں۔ عدالت میں اس بات کا بھی ثبوت فراہم کیا گیا کہ دونوں مجرم مملکت میں تخریب کاری کا نیٹ ورک قائم کرنے کیلئے کوشاں تھے۔ واضح رہے کہ سزا مکمل کرنے کے بعد دونوں مجرموں کو ملک بدر کر دیا جائے گا۔
