ممبئی (آن لائن)بھارت کی معروف اداکارہ سری دیوی معروف ہدایتکار کرن جوہر کے ساتھ ایک فلم بنانے کا ارادہ رکھتی تھیں۔بھارتی ہدایتکار کرن جوہر اس وقت بھی سری دیوی کی بیٹی جھانوی کی ڈیبیو فلم میں مصروف ہیں تاہم وہ سری دیوی کے ساتھ بھی ایک اور فلم بنانے کا ارادہ رکھتے تھے اورسری دیوی نے بھی اس پر رضامندی
کا اظہار کیا تھا۔سری دیوی اور کرن جوہر کے درمیان طے یہ پایا تھا کہ فلم کی شوٹنگ اپریل سے شروع کردی جائے گی لیکن زندگی ان کا ساتھ نہ دے سکی اور وہ اچانک اس دنیا کو چھوڑ کر چلی گئیں۔دی مرر نے دعوی کیا ہے کہ سری دیوی نے کرن جوہر کی نئی فلم کو بے حد پسند کیا تھا اور انہوں نے حامی بھرلی تھی۔
