لاہور (این این آئی) نامور گلوکارہ صنم ماروی نے کہا ہے کہ صوفیانہ کلام میں ایک ایسی تاثیر ہے کہ جو اس کو نہیں سمجھتے وہ بھی اس کو سن کر جھومنا شروع کردیتے ہیں ،میری اصل پہنچان صوفیانہ کلام کی بدولت ہے اور میں صوفیانہ کلام سنا کر روحانی سکون محسوس کرتی ہوں ۔انہوںنے ’’این این آئی ‘‘سے خصوصی گفتگوکرتے ہوئے کہا کہ میرے لئے یہ حیرت انگیز بات ہے۔
کہ میں جب بھی بیرون ملک پرفارم کرتی ہوں تو مقامی باشندے جو صرف اپنے ملک کی زبان سمجھتے ہیں وہ بھی میرے صوفیانہ کلام پر بے ساختگی کے ساتھ جھومنا شروع کردیتے ہیں اور میں نے صوفیانہ گائیکی کا یہ اثر پور ی دنیا میں دیکھا ہے ۔انہوں نے کہا کہ درحقیقت صوفیانہ کلام کے اندر خود ہی ایک ایسی تاثیر ہے جو سننے والوں کو اپنے سحر میں مبتلا کردیتی ہے ۔
