خواتین وحضرات ۔۔ جہاں بھی کوئی واردات ہوتی ہے‘ کوئی شخص قتل ہو جاتا ہے‘کسی کے گھر چوری ہو جاتی ہے یا پھر کوئی شخص کسی شخص کی ملکیت کو (نقصان) پہنچاتا ہے تو پولیس سب سے پہلے یہ دیکھتی ہے ۔۔اس واردات کا بینی فیشری کون ہے‘ نوے فیصد مقدمات میں عموماً بینی فیشری ہی (ملزم) نکلتا ہے‘ ہمارے الیکشن کمیشن نے آج سینٹ کے الیکشنوں میں ہارس ٹریڈنگ کا نوٹس لے لیا‘ اعتراض کرنے والے لیڈروں کو 14 مارچ کوثبوتوں کے ساتھ پیش ہونے کا حکم دے دیا‘ میرا خیال ہے الیکشن کمیشن کو ۔۔

اس ساری ایکسرسائز کی کوئی ضرورت نہیں‘ یہ صرف بینی فیشریز کی فہرست بنا لے‘ یہ بڑی آسانی سے ملزموں تک پہنچ جائے گا‘ مثلاً آپ پاکستان تحریک انصاف سے پوچھ لیں پنجاب میں آپ کے 30 ایم پی ایز تھے آپ نے 44 ووٹ لے لئے‘ ۔۔اضافی 14 ووٹ کہاں سے آئے‘ پیپلز پارٹی سے پوچھ لیں آپ کو کراچی میں ایم کیو ایم نے کیوں ووٹ دیئے‘ آپ کا لاہور میں ایک سینیٹر اور کے پی کے میں دو سینیٹرز کیسے منتخب ہو گئے اور آپ پاکستان مسلم لیگ ن سے پوچھ لیجئے آپ نے کے پی کے میں 16 ایم پی ایز کے ساتھ دو سینیٹرز کیسے الیکٹ کرا لئے دودھ کا دودھ اور پانی کا پانی ہو جائے گا اور اگر آپ یہ نہیں کرتے توپھر ماضی کی طرح یہ مردہ بھی جلد دفن ہو جائے گا‘ ہم آج کے موضوع کی طرف آتے ہیں ۔ ہمیں آج عمران خان کو داد دینا ہو گی ملک کی تمام سیاسی جماعتیں ہارس ٹریڈنگ کا واویلا کر رہی ہیں ۔۔لیکن ملک کی صرف ایک پارٹی نے نہ صرف اپنے ایم پی ایز کی بے ایمانی کا اعتراف کیا بلکہ ۔۔ تحقیقات بھی کیں اور ۔۔بکنے والے ایم پی ایز کے خلاف کارروائی کا ۔۔اعلان بھی کیا‘ میں ۔۔اس بولڈ سٹیپ پر عمران خان کو خراج تحسین بھی پیش کرتا ہوں اور باقی تمام پارٹیوں کو مشورہ دیتا ہوں آپ بھی ۔۔اس سپرٹ کا مظاہرہ کریں‘

پھر کہیں جا کر یہ ملک ٹھیک ہو گا‘ کیا باقی سیاسی جماعتوں میں اتنی ہمت ہے‘ یہ ہمارا آج کا ایشو ہوگا جبکہ ہارس ٹریڈنگ کے بعد چیئرمین اور ڈپٹی چیئرمین کے عہدوں کیلئے ایک اور قسم کی ہارس ٹریڈنگ شروع ہو چکی ہے ۔۔اس ہارس ٹریڈنگ کو کون روکے گا‘ ہم یہ بھی ڈسکس کریں گے‘ ہمارے ساتھ رہیے گا۔