لاہور (آئی این پی) وفاقی وزیر ریلوے خواجہ سعد رفیق نے کہا ہے کہ نواز شریف کو پھنساکر عوام کی ان سے محبت کو ختم نہیں کیا جا سکتا، تبدیلی فیصلوں کے ذریعے نہیں ووٹ کے ذریعے آنی چاہیے، کس کس کے منہ بند کرو گے، یہ روایت اب بند ہونی چاہیے،2018کے انتخابات میں (ن)لیگ دو تہائی اکثریت سے واپس آئے گی، ہم نے اس ملک کے بیمار اداروں کو کھڑا گیا، ہمیں کہا جاتا ہے کہ دیانتدار بن جائو، نواز شریف کو اس لئے نکالا کیوں کہ وہ ترقی کا سفر شروع کرتے ہیں ۔

تمام اداروں کو اپنی حدود میں رہتے ہوئے ایک دوسرے کا احترام کرنا چاہیے۔پیر کوتقریب سے خطاب کرتے ہوئے وزیر ریلوے خواجہ سعد رفیق نے کہا کہ سیاست بہت طاقتور چیز ہے، نواز شریف کو پھنسا کر عوام کی ان سے محبت کو ختم نہیں کیا جا سکتا، نواز شریف کے آنے سے ترقی کا طوفان آتا ہے، ملک کو ایٹمی طاقت بنایا، موٹرویز نواز شریف نے بنائیں، آج میٹرو صرف لاہور نہیں ملتان اور راولپنڈی میں بھی ہے تبدیلی فیصلوں کے ذریعے نہیں ووٹ کے ذریعے آئے گی، کس کس کے منہ بند کریں گے، یہ روایت بند کر دیں، 2018کے انتخابات میں (ن)لیگ دو تہائی اکثریت سے واپس آئے گی، (ن) لیگ اداروں کا احترام کرتی ہے، کسی سے جھگڑا نہیں چاہتی، کیا کیا نواز شریف نے؟ کون سی کرپشن کی؟اس ملک کے بیمار اداروں کو کھڑا کیا، ہمیں کہتے ہیں کہ دیانتدار بن جائو۔ انہوں نے کہا کہ نواز شریف کو اس لئے نکالا کہ وہ ترقی کا سفر شروع کر تے ہیں، سب کچھ پہلی بار نہیں ہو رہا، ہمیں کام کرنے نہیں دیا جاتا، پنجاب دوسرے صوبوں کی نسبت تبزی سے ترقی کر رہا ہے، پاکستان کو قویم سلامتی کیلئے ہمیں اکٹھا کرنا ہو گا، تمام اداروں کو اپنی حدود میں رہتے ہوئے ایک دوسرے کا احترام کرنا چاہیے، دنیا ہمیں شک کی نظروں سے دیکھ رہی ہے، لوگ نہیں چاہت کہ فیصلوں کے ذریعے لیڈر شپ ختم کی جائے۔