لاہور (این این آئی) کنگ آف کامیڈی امان اللہ کی طبیعت بدستور ناساز ، ڈاکٹروں کی ہدایت کے پیش نظر گھر میں ہی آرام کررہے ہیں۔ ذرائع کے مطابق سینئر اداکار اما ن اللہ کو تین ہفتے قبل سانس کی تکلیف ہوئی تھی جس کے باعث ان کو مقامی ہسپتال میں داخل کروا دیا گیا۔

جہاں چند زیر اعلاج رہنے کے بعد ڈاکٹروںنے ان کو گھر جانے کی اجازت دیدی ۔ اس حوالے سے ذرائع کا کہنا ہے کہ امان اللہ کی طبیعت ابھی بھی بہتر نہیں ہوئی اور نہ ہی ان کی طبیعت میں کوئی سدھار آیا ہے تاہم ان کا پرائیویٹ طور پر ڈاکٹروں سے چیک اپ بھی کروایا جارہا ہے ۔