لاہور (ا ین این آئی)اداکارہ مدھو ٹریفک حادثے میں معمولی زخمی ہو گئیں تاہم ان کی گاڑی مکمل طور پر تباہ ہو گئی۔بتایا گیا ہے کہ اداکارہ مدھو گوجرانوالہ سے اسٹیج ڈرامہ کر کے واپس گھر جا رہی تھیں کہ ملتان روڈ کھاڑک سٹاپ کے قریب مخالف سمت سے آنے والی ٹرالی جس کی ہیڈ لائٹ خراب تھی اس نے گاڑی کو ٹکر مار دی جس

سے ان کی گاڑی مکمل طور پر تباہ ہو گئی تاہم خوش قسمتی سے گاڑی میں موجود اداکارہ مدھو اور دیگر افراد بڑے حادثے سے محفوظ رہے ۔اداکارہ کو سر پر معمولی چوٹ آئی جس پر انہیں مقامی ہسپتال لیجایا گیا اور ایمرجنسی میں طبی امداد دینے کے بعد ڈسچارج کر دیا گیا ۔اداکارہ کی جانب سے حادثے میں محفوظ رہنے پر صدقہ بھی دیا گیا ۔