اسلام آباد (این این آئی)امریکی صدر کی نائب معاون اور یو ایس نیشنل سکیورٹی کونسل کی سینئرڈائریکٹر برائے جنوبی و وسطی ایشیا لیزا کرٹس نے کہا ہے کہ امریکہ پاکستان کے ساتھ تعلقات کے نئے دور میں داخل ہونا چاہتا ہے۔منگل کو امریکی سفارتخانہ کے مطابق کرٹس نے یہ بات 26 تا 27 ِفروری اپنے پاکستان کے دوران اسلام آباد میں سیکرٹری خارجہ تہمینہ جنجوعہ، وزیر داخلہ احسن اقبال اور چیف آف جنرل اسٹاف لیفٹیننٹ جنرل بلال اکبرسے ملاقاتوں کے دوران کہی۔انہوں نے کہا کہ امریکہ پاکستان کے
ساتھ نئے تعلقات کی جانب گامزن ہونا چاہتا ہے، جس کی بنیاد اس مشترکہ عزم پر مبنی ہو کہ ہم مل کر اْن سب دہشت گرد گروہوں کو شکست دیں گے جو علاقائی استحکام وسلامتی کے ساتھ ساتھ افغانستان کے پْرامن مستقبل کے مشترکہ خواب کے لیے بھی خطرہ ہیں۔ انہوں نے دہشت گردی کے خلاف لڑائی میں پاکستان کی نمایاں قربانیوں کا اعتراف کیا ، ان کا کہنا تھا کہ امریکہ افغان پناہ گزینوں کی باعزت وطن واپسی ، داعش کو شکست اور پاکستان اور امریکہ کے لئے مشترکہ خطرہ بنے ہوئے دہشت گردوں کا خاتمہ چاہتا ہےا۔
