گجرات (مانیٹرنگ ڈیسک) گجرات میں سولہ سالہ لڑکی کو گلا کاٹ کر ہلاک کر دیا گیا، ایک نجی ٹی وی چینل کی رپورٹ کے مطابق سولہ سالہ لڑکی جو ٹانڈہ کی رہائشی ہے اپنے رشتہ داروں کے گھر بھاگوال رہنے کے لیے آئی ہوئی تھی، گھر میں اکیلا ہونے کی وجہ سے مدثر نامی اس کے رشتہ دار نے اسے کمرے میں بند کرکے چھری سے گلا کاٹ دیا اور خود موقع سے فرار ہو گیا، ٹانڈہ پولیس اطلاع ملنے پر موقع واردات
پر پہنچی اور کرائم سین یونٹ نے شواہد اکٹھے کیے۔ پولیس کا اس بارے میں کہنا ہے کہ لڑکی کے ساتھ زیادتی ہوئی یا نہیں یہ رپورٹ آنے پر ہی معلوم ہو سکے گا۔ اس سولہ سالہ لڑکی کے والد کا کہنا ہے کہ میری بیٹی کو زیادتی کے بعد قتل کر دیا گیا، ذرائع کا یہ بھی کہنا ہے کہ مدثر نشہ کا عادی ہے جب اس نے گھر ہوئی مہمان لڑکی کو اکیلے دیکھا تو اس نے زیادتی کی اور قتل کرنے کے بعد وہاں سے فرار ہو گیا۔
