کوئٹہ (این این آئی) کوئٹہ میں وفاقی تحقیقاتی ایجنسی کے دفتر میں چوری کر نے کے الزام میں پولیس کا سب انسپکٹر گرفتار، ذرائع کے مطابق پیر کو ایف آئی اے حکا م نے ایف آئی اے کے کوئٹہ میں واقع دفتر میں 9کروڑ روپے کی چوری کے الزام میں پولیس کے سب انسپکٹر نصیب اللہ کو گرفتار کرلیا ،ذرائع کے مطابق ملزم پولیس سے ڈیپوٹیشن پر ایف آئی اے کے دفتر میں تعینات تھا اور
اس نے گذشتہ شب رات کی تاریکی کا فائدہ اٹھا تے ہوئے اپنے ساتھیوں کے ساتھ ملکر دفتر میں مو جود سی سی ٹی وی کیمروں کی تاریں کاٹ کر تجوری سے 9کڑور روپے مالیت کی پاکستانی اور غیر ملکی کرنسی چرائی تھی ملزم کو فرار ہوتے ہوئے چوکیدار نے دیکھ لیاتھا اور پولیس کو بروقت اطلاع کر نے پر ملزم کی گرفتاری عمل میں آئی ،پولیس نے نصیب اللہ کے خلاف مقد مہ درج کر کے تفتیش شروع کردی ۔
