اسلام آباد(مانیٹرنگ ڈیسک)جانوروں کی انسانوں سے انسیت اور انسانوں سے وفاداری کی کئی کہانیاں اس سے پہلے منظر عام پر آچکی ہیں مگر آپ یہ جان کر حیران رہ جائیں گے کہ ایک ایسا کتا بھی ہے جو 11سال سے مسلسل ہر رات اپنے مالک کی قبر پر پہرہ دے رہا ہے۔ ارجنٹائن کے ایک قصبے کے رہائشی میگوائل گزمان کو یہ کتا اس کے 13سالہ بیٹے نے تحفے کے طور پر دیا تھا۔
میگوائل گزمان کی وفات کے بعد اچانک ایک دن اس کا کتاجس کا نام کپتان رکھا گیا تھا غائب پایا گیا۔ گزمان کے بیٹے نے کپتان کی گمشدگی کے بعد سوچا کہ شاید وہ اس کے باپ میگوائل گزمان کی وفات کے بعد دلبرداشتہ ہو کر بھاگ گیا ہے مگر کچھ ماہ پہلے میگوائل گزمان کی قبر جس قبرستان میں واقع ہے وہاں کے گورکنوں اور انتظامیہ نے دیکھا کہ ایک کتا میگوائل گزمان کی قبر کے گرد ٹہلتا رہتا ہے۔ وہ ہر روز دن کو غائب رہنے کے بعد رات کے وقت میگوائل گزمان کی قبر پر آن پہنچتا ہے اور رات بھر وہیں رہتا ہے۔ قبرستان کے قریب پھولوں کی دکان کا مالک اپنے مالک کی یاد میں اداس اس کتے کو روزانہ دودھ پلاتا ہے اور یوں کپتان اب اس قبرستان سے اپنے مالک کی وجہ سے منسوب ہوتا جا رہا ہے۔ میگوائل گزمان کے بیٹے نے جب کپتان کو اپنے باپ کی قبر کے پاس پہلی بار دیکھا تو وہ اسے دیکھ کر حیران رہ گیا ، گزمان کا بیٹا اسے واپس گھر لایا مگر شاید کپتان فیصلہ کر چکا ہے کہ وہ اپنی باقی ساری زندگی اپنے مالک کی قبر کے اردگرد ہی رہ کر گزارے گا ، کپتان نے گزمان کے بیٹے کے گھر لانے کے بعد پھر اچانک غائب ہو گیا اور قبرستان میں میگوائل گزمان کی قبر پر دوبارہ پہرہ دیتے دیکھا گیا۔ 4سال قبل کپتان بیمار اور مرجھایا ہوا دیکھا گیا تو قبرستان کا منتظم اسے ڈاکٹر کے پاس کلینک لے گیا جہاں پتہ چلا کہ کپتان گردوں کی بیماری میں مبتلا ہو چکا ،
علاج کے دوران ہی کپتان کی زندگی کے دن پورے ہو گئے اور اسے اس کے مالک کی قبر کے پاس دفنا دیا گیا یوں کپتان کی اپنے مالک کے ساتھ رہنے کی خواہش ہمیشہ ہمیشہ کیلئے پوری ہو گئی۔
