اسلام آباد(مانیٹرنگ ڈیسک)سری دیوی دبئی میں انتقال کر گئی ہیں لیکن اس سے پہلے امیتابھ بچن کے  ٹویٹ نے سب کو حیران کر دیا۔میڈیا رپورٹس کے مطابق معروف بالی وڈ اداکارہ کل رات دل کا دورہ پڑنے سے انتقال کر گئی تھیں۔بھارتی میڈیا کے مطابق سری دیوی کی عمر 55سال تھی۔سری دیوی کی اچانک موت کی خبر نا صرف ان کے مداح بلکہ بالی وڈ انڈسٹری کے لئے بھی نا قابل یقین تھی اور اس خبر نے ہر کسی کو حیرت اور پریشانی میں مبتلا کر دیا۔لیکن معروف

بالی وڈ اداکار امیتابھ بچن کی ایک ٹویٹ نے لوگوں کو اور بھی زیادہ حیران کر دیا ۔سری دیوی کی موت سے کچھ دیر قبل امیتابھ بچن نے ٹویٹ کرتے ہوئے کہا کہ ’’ نہ جانے کیوں عجیب سے گھبراہٹ ہو رہی ہے ‘‘۔امیتابھ کے اس ٹویٹ پر لوگوں نے حیرانگی کا اظہار کرتے ہوئے کہا کہ سری دیوی کی موت سے 20 منٹ قبل امیتابھ بچن کا اس طرح ٹویٹ کرنا واقعی حیران کرتا ہے۔

موضوعات:امیتابچن