گوجرانوالہ(آن لائن) وزیر دفاع خرم دستگیر خان کی سکول کے ثقافتی فیسٹیول میں شرکت کے لئے علی پور چھٹہ آمد پر آتش بازی کرنے والے سکول پرنسپل کے خلاف مقدمہ درج کر لیا گیا ہے سکول پرنسپل بابر بلال اور دو نامعلوم افراد کے خلاف پولیس کی مدعیت میں مقدمہ درج کیا گیا ہے ۔ تفصیلات کے مطابق گزشتہ روز وزیر دفاع خرم دستگیر خان کی علی پور چھٹہ آمد پر آتش بازی
کرنے والے سکول پرنسپل اور دیگر دو نامعلوم افراد کے خلاف مقدمہ درج کر لیا گیا ہے ۔ وزیر دفاع خرم دستگیر خان کی سکول کے ثقافتی فیسٹیول میں شرکت کے لئے آمد پر سکول انتظامیہ نے آتش بازی کا مظاہرہ کیا تھا جس پر پولیس کی مدعیت میں زیر دفعہ 286، 285 مقدمہ درج کر لیا گیا ہے جس میں سکول پرنسپل بابر بلال کو نامزد کرنے کے علاوہ دیگر دو نامعلوم ملزمان بھی شامل ہیں۔
