لاہور (مانیٹرنگ ڈیسک) لاہور ہائیکورٹ نے وزارت داخلہ کی جانب سے آٹومیٹک اسلحہ لائسنس منسوخی کا نوٹیفکیشن معطل کرتے ہوئے وفاقی حکومت اور دیگرفریقین سے جواب طلب کر لیا ۔لاہور ہائیکورٹ میں آٹومیٹک اسلحہ لائسنس رکھنے والے شہریوں کے لائسنس منسوخ کرنے کے خلاف درخواست پر سماعت ہوئی ، عدالت نے
فریقین کے دلائل سننے کے بعد وزارت داخلہ کی جانب سے آٹومیٹک اسلحہ لائسنس منسوخ کرنے کا نوٹیفکیشن معطل کردیا ۔عدالت نے آئندہ سماعت پر وفاقی حکومت اور دیگرفریقین سے جواب طلب کیا ہے۔یاد رہے کہ گزشتہ سال نومبر میں وفاقی وزارت داخلہ نے ممنوعہ بور اور آٹومیٹک ہتھیاروں کے تمام لائسنس کو معطل کردیا تھا۔
