اسلام آباد (مانیٹرنگ ڈیسک)سینئر صحافی و اینکر پرسن حامد میر نے انکشاف کیا ہے عمران خان کراچی سے قومی اسمبلی کا الیکشن لڑیں گے۔ نجی ٹی وی سے بات چیت  کرتے ہوئے حامد میر نے بتایا کہ تحریک انصاف کے چیئرمین عمران خان کو مشورہ دیا گیا ہے کہ وہ کراچی سے قومی اسمبلی کا انتخاب لڑیں اور انہوں نے اس تجویز پر سنجیدگی سے غور بھی  شروع کر دیا ہے ۔امکان یہی ہے کہ آئندہ انتخابات میں

عمران خان کراچی سے قومی اسمبلی کا الیکشن لڑیں گے۔ انہوں نے مزید گفتگو کرتے ہوئے بتایا کہ تحریک انصاف کے رہنما اسد عمر متحدہ قومی موومنٹ کے سابق رہنمااور الطاف حسین کے انتہائی قریبی رہنما سلیم شہزاد کو پارٹی میں شامل کرنے کی کوشش کر رہے ہیں لیکن انہیں کراچی کے ہی رہنما علی زیدی کی جانب سے شدید مخالفت کا سامنا ہے۔واضح رہے کہ گزشتہ روز ہی حامد میر سمیت دیگر صحافیوں نے عمران خان سے ملاقات کی تھی۔