بیجنگ(آن لائن)چین کی پولیس نے عینک کے شیشوں میں لگے چہرے سے مشتبہ افراد کی نشاندہی کی ٹیکنالوجی والے عینکوں کا استعمال شروع کردیاہے۔شیشے ڈیٹا بیس سے منسلک ہونگے جس کی مدد سے مفرور، مطلوب مجرموں کی چہرے کی اسکیننگ کے ذریعے شناخت کے بعد ان کی گرفتاری ہوسکے گی۔چینی ذرائع ابلاغ نے بتایاہے کہ ان سن گلاسوں کی مدد سے پولیس سات مشتبہ افراد کوگرفتاربھی کرچکی ہے۔
پولیس نے نئی سن گلاسوں کی ٹیکنالوجی کو مرکزی شہر زنگزو کے ریلوے اسٹیشن پر استعمال کیاتھا۔چینی اخبار پیپلز ڈیلی کے مطابق پولیس نے اس کی مدد سے جعلی شناختی کارڈ استعمال کرنے والوں کی بھی نشاندہی کی۔اس ٹیکنالوجی کی مدد سے سن گلاس مشتبہ شخص کی تصویر کھینچ لیتے ہیں اور پہلے سے موجود ڈیٹا بیس میں مشکوک افراد سے موازنہ کیا جاتاہے۔اگر ریکارڈ اور تصویر ایک دوسرے سے مل جاتی ہے تو آفسر کو مشتبہ شخص کا نام اورپتہ بھیج دیاجاتاہیتاکہ اسے گرفتارکیاجاسکے۔
