تہران( آن لائن )ا یرانی پولیس نے سپر یم لیڈر آیت اللہ خمینی پر تنقید کے الزام میں قم شہر سے شیعہ عالم دین کو گرفتار کر لیا ہے ان پر الزام ہے کہ انہوں نے ایک خطاب میں رہبر انقلاب اسلامی آیت اللہ خمینی کو فرعون کہہ دیا تھا۔ غیر ملکی نشریاتی ادارے کے مطابق ایرانی پولیس نے قم شہر میں ایک کارروائی کے دوران سرکردہ شیعہ رہ نما صادق شیرازی کے بیٹے حسین شیرازی کو گرفتار کرکے ان سے پوچھ گچھشروع کر دی ہے ۔
انہوں نے اپنے ایک لیکچر کے دوران سپریم لیڈر آیت اللہ علی خامنہ ای کو فرعون کہا تھا۔ قم شہر میں مذہبی عدالت کے پراسیکیوٹر جنرل کے حکم پر حسین شیرازی کو اس وقت گرفتار کرنے کا حکم دیا جب انہوں نے ایرانی رجیم پر کڑی تنقید کی۔ پراسیکیوٹر جنرل کا کہنا تھا کہ ایک شیعہ رہ نما کو ولایت فقیہ کے بنیادی اصولوں، ریاستی اقدار اور اعلیٰ شخصیات کی توہین نہیں کرنی چاہیے۔
