اسلام آباد(مانیٹرنگ ڈیسک)یوم یکجہتی کشمیر پر اسمبلی میں اراکین کی انتہائی کم تعداد کے حوالے سے سوال پر صوبائی وزیر قانون رانا ثنا اللہ نے کہا ہے کہ کچھ فرائض عین ہوتے ہیں اور کچھ فرائض کفایہ ہوتے ہیں یعنی ایک فرد بھی اگر وہ فرض ادا کر دے تو وہ فرض ادا ہو جاتا ہے۔ نجی ٹی وی سے گفتگو
کرتے ہوئے انہوں نے کہا کہ تمام اراکین اسمبلی اپنے اپنے حلقوں میں کشمیر کے ہی حوالے سے فنکشن یا ریلی میں مصروف تھے میں بھی اس سلسلے میں فیصل آباد میں مصروف تھا جس کے باعث میں اسمبلی میں تھوڑا تاخیر سے پہنچا، کشمیر سے متعلق ہم سب سمیت پوری قوم کا ایک ہی موقف ہے۔
