ممبئی (این این آئی)مسٹر پرفیکشنسٹ عامر خان کی فلم سیکریٹ سپر اسٹار نے چین میں بھی تہلکہ مچا دیا جس نے اب تک چینی باکس آفس پر 500کروڑ سے زائد کا بزنس کیا ہے ٗ فلم سیکریٹ سپر اسٹار نے چینی باکس آفس پر اپنی ریلیز سے اب تک 509کروڑ کا بزنس کر کے فلم دنگل کا بھی ریکارڈ توڑ دیا ہے۔بھارتی میڈیا رپورٹس کے مطابق عامر خان فلم سکریٹ سپر اسٹار نے دو ہفتوں میں 79اعشاریہ 42ملین ڈالر جبکہ دنگل نے مجموعی طور
پر 190ملین ڈالر کا بزنس کیا تھا اور صرف یہی نہیں عامر خان کی فلم ‘تھری ایڈٹس اور پی کے کو بھی چینی شائقین نے بے حد پسند کیا تھا۔واضح رہے کہ عامر خان اور ان کی اہلیہ کرن راو کی پروڈیوس کردہ فلم سیکریٹ سپر اسٹار کی کہانی ایک ایسی لڑکی کے گرد گھومتی ہے جو گلوکارہ بننا چاہتی ہے۔فلم میں عامر خان اور زائرہ وسیم نے مرکزی کردار ادا کیا تھا جبکہ یہ فلم گزشتہ برس 19اکتوبر کو بھارت میں ریلیز کی گئی تھی جس نے بالی ووڈ باکس آفس پر 83کروڑ کا بزنس کیا-
