کابل(این این آئی)افغانستان نے کہاہے کہ کابل میں ہوئے حالیہ حملوں میں پاکستان میں موجود شدت پسندوں کے ملوث ہونے کے حوالے سے پاکستان کو ثبوت فراہم کر دئیے،افغان میڈیا کے مطابق افغان وزیر داخلہ ویس احمد برمک نے کابل میں پریس کانفرنس سے خطاب کرتے ہوئے کہاکہ ہم نے حکومت پاکستان
کو قبائلی علاقوں میں موجود طالبان کے ٹھکانوں سے متعلق ثبوت فراہم کر دئیے اور ہم توقع رکھتے ہیں کہ پاکستان ان کے خلاف کارروائی کرے گا۔ ادھرکابل میں پاکستانی سفارت خانے کے باہر گنتی کے چند مظاہرین نے پاکستانی جھنڈے نذر آتش کیے اور پاکستان مردہ باد کے نعرے لگائے۔