اسلام آباد(مانیٹرنگ ڈیسک) خیبر پختونخوا کی مثالی پولیس کا پول کھل گیا،200 روپے رشوت نہ دینے پر پاک فوج کے حاضر سروس ملازم کا600 روپے کا چالان کردیا، جوان درخواست لیکر ڈی پی او ہری پور کے پاس پہنچ گیا، میڈیا رپورٹس کے مطابق پاک آرمی کے حاضر سروس ملازم محمد عارف گزشتہ چار دن قبل اپنے خاندان کے ہمراہ راولپنڈی سے ہری پور آیا جہاں اس کا ٹریفک اہلکار نے چالان کاٹ دیا۔
عارف نے اسی روز ٹریفک پولیس فرنچائز میں چالان جمع کرایا مگر چار دن بعد بھی پاک آرمی کے نوجوان کو گاڑی کاغذات ڈرائیونگ لائسنس نہ مل سکا مجبور ہوکر تحریری درخواست لے کر ڈی پی او ہری پور خالد ہمدانی کے پاس پہنچ گیا۔ محمد عارف نے ڈی پی او کو دینے والی تحریری درخواست میں لکھا ہے کہ ٹریفک اہلکار نے200روپے رشوت نہ دینے پر چالان کیا ہے میرے پاس تمام کاغذات لائسنس گاڑی سرٹیفیکیٹ سمیت سب کچھ موجود تھا مثالی پولیس کو بھی سلام پیش کرتا ہوں دو سو روپے رشوت نہیں دے سکتا حاضر سروس پاک آرمی کا ملازم ہوں چھٹی ختم ہونے والی ہے واپس ڈیوٹی پر جانا ہے چالان اسی دن جمع کرادیا تھا مگر چار دن سے اپنے ڈرائیونگ لائسنس گاڑی کاغذات کے لیے ٹریفک پولیس مختلف دفاتروں کے چکر لگوا رہی ہے مجھے بلاوجہ جان بوجھ کے تنگ کیا جا رہا ہے۔ چالان جمع کرانے کے بعد بھی ڈرائیونگ لائنس گاڑی کاغذات واپس لینے کی بھی مثالی پولیس کی کوئی فیس جمع کروانی ہوتی ہے تو وہ فیس بھی جمع کروانے کو تیار ہوں برائے مہربانی میرے کاغذات واپس دلوائیں جائیں، ڈی پی ا و خالد ہمدانی نے ٹریفک انچارج کومعاملہ بھیج کردرخواست گزار کو اس کا ڈرائیونگ لائسنس گاڑی کے کاغذات سمیت دیگر اشیاء واپس کرنے کے احکامات جاری کر دئیے ہیں۔
