اسلام آباد(مانیٹرنگ ڈیسک) اگر تو آپ ڈیسک ٹاپ کمپیوٹر پر انٹرنیٹ سرفنگ کے لیے گوگل کروم کو استعمال کرتے ہیں تو اپنے ویب براﺅزر کو فوری اپ ڈیٹ کرلیں۔ جی ہاں گوگل نے اپنے ویب براﺅزر کے لیے وہ فیچر متعارف کرا دیا ہے جو بیشتر افراد کی ذہنی الجھن اور پریشانی کو ختم کردے گا۔ گوگل کروم کے نئے ورژن میں صارفین کو ویڈیو کے بہتر تجربے، مختلف بگز وغیرہ پر قابو پانے کے لیے سیکیورٹی اپ ڈیٹس دی گئی ہیں۔
مزید پڑھیں : گوگل کروم کی آسان ٹپ جو آپ کا وقت بچائے مگر سب سے اہم فیچر اب گوگل کروم میں صارفین کو غیرضروری مواد کی ہمیشہ کے لیے زبان بندی کردینا ہے۔ جیسا آپ کو معلوم ہی ہوگا کہ بیشتر ویب سائٹس میں آٹو پلے ویڈیوز ہوتی ہیں جو صارف کا پیچھا اس وقت تک نہیں چھوڑتی جب تک انہیں روک نہ دیا جائے۔ مگر اب ٹیب پر رائٹ کلک کرکے ‘ آل ویز بلاک آن دس سائٹ’ کو سلیکٹ کرنے پر کبھی بھی اس ویب سائٹ پر آٹو پلے ویڈیو پریشان نہیں کرسکے گی۔ اس فیچر سے قبل ٹیب پر رائٹ کلک کرکے اسے میوٹ کیا جاسکتا تھا مگر ایسا ہر بار اس پیج کو کھولنے پر کرنا پڑتا تھا۔ یہ بھی پڑھیں : گوگل کروم کے لیے 6 بہترین ایکسٹیشنز ویب براﺅزر میں کی جانے والی اپ ڈیٹ کے بعد اب ہر ونڈوز 10 پر چلنے والے کمپیوٹر کو ہائی ڈائنامک رینج سپورٹ فراہم کردی گئی ہے۔ گوگل کے مطابق ہر پانچ میں سے ایک صارف کی جانب سے دیئے جانے والے فیڈ بیک میں یہ بات سامنے آئی تھی کہ انہیں ڈیسک ٹاپ پر ویب سرفنگ کے دوران غیر ضروری مواد کو دیکھنے پر مجبور کیا جاتا ہے۔ اس نئے فیچر کو آپ اپنے براﺅزر کو اپ ڈیٹ کرکے ابھی حاصل کرسکتے ہیں۔ اس فیچر پر گوگل کی جانب سے گزشتہ سال سے کام کیا جارہا تھا اور اس کا بیٹا ورژن گزشتہ ماہ متعارف کرایا گیا تھا۔
