اسلام آباد(مانیٹرنگ ڈیسک)نقیب اللہ قتل کیس میں معطل ہونے والے سابق ایس ایس پی ملیر راؤ انوار کا بڑا غیر قانونی دھندا سامنے آ گیا۔میڈیا رپورٹس کے مطابق سابق ایس ایس پی ملیر راؤ انوار کا ایک اور غیر قانونی دھندسامنے آیا ہے۔جس میں غیر قانونی سمگل شدہ ایرانی تیل کی خرید و فروخت کی جاتی تھی۔سمگل شدہ ایرانی تیل کی خرید و فروخت کی ویڈیو بھی سامنے آ گئی ہے کہ کس طرح غیر قانونی تیل خریدا جاتا تھا اور پھر فروخت کیا جاتا ہے۔
معلوم ہوا ہے کہ راؤ انوار ڈمپنگ پوائنٹ سے لاکھوں روپے وصول کرتا تھا۔ شاہ لطیف ٹاؤن کے عین سامنے نیشنل ہائی وے پر دکانوں میں غیر قانونی پٹرول پمپ کھلے ہوئے ہیں۔پورے ضلع بشمول تھانہ گڈاپ ،میمن گوٹھ اور لطیف ٹاؤن میں یہ دھندا اپنے عروج پر ہے ۔جب کہ کچے کے علاقے میں ڈمپنگ پوائنٹ بھی قائم ہیں۔جہاں پر آئل ٹینکرز کو لوڈ اور ان لوڈ کیا جاتا تھا اور یہاں سے رائو انوار لاکھوں روپے رشوت بھی وصول کرتا تھا۔ان الزامات پر رائو انوار کی جانب سے تاحال کوئی موقف سامنے نہیں آسکا۔
