اسلام آباد(مانیٹرنگ ڈیسک) امریکہ میں گزشتہ24گھنٹوں کے دوران فائرنگ کے مختلف واقعات میں 37افراد ہلاک، 57زخمی۔ تفصیلات کے مطابق امریکہ کے اسلحہ سے پیدا ہونیوالی کشیدگی کو ریکارڈ کرنے والے مرکز کی رپورٹ کے مطابق گزشتہ 48 گھنٹوں میں امریکہ کے مختلف علاقوں میں فائرنگ کے 200واقعات رونما ہوئے کہ جن میں 61 افراد ہلاک
اور 99 زخمی ہو چکے ہیں، گزشتہ 24گھنٹوں کے دوران فائرنگ کے 96واقعات رونما ہوئے جن میں 37افراد ہلاک جبکہ 57زخمی ہو گئے ہیں۔ زیادہ تر واقعات امریکہ کی ریاستوں اینڈیانا، کیلیفورنیا اور ویسکانسین میں ہوئے۔ خیال رہے کہ امریکہ میں اسلحہ رکھنے کیلئے لائسنس کی ضرورت نہیں ہوتی جبکہ ہر 100امریکیوں میں سے 90کے پاس اسلحہ ہوتا ہے۔
