واہنگری(آئی این پی)انٹر نیشنل کر کٹ کونسل (آئی سی سی )انڈر19کر کٹ ورلڈ کپ میں پاکستان نے سری لنکا کو شکست دے کر کوارٹر فائنل کیلئے کوالیفائی کرلیا۔ پاکستان انڈر19ٹیم نے 189رنز کا ہدف43.3اوور میں7وکٹوں کے نقصان پر پورا کر لیا۔علی زریاب آصف نے سب سے زیادہ59 رنز کی اننگز کھیلی جبکہ محمد زید عالم28،عماد عالم12،محمد طہ24رنز بنا سکے، کپتان حسان خان24اور محمد موسی23رنز بنا کر ناقابل شکست رہے۔آئی لینڈرز کی جانب سے رشمیکا نے سب سے زیادہ تین وکٹیں حاصل کیں۔
فاتح ٹیم کی جانب سے علی زریاب کو مین آف دی میچ قرار دیا گیا۔نیوزی لینڈ کے شہر واہنگری میں جاری جونیئر کرکٹ ورلڈ کپ میں گروپ ڈی کے 18 ویں میچ میں سری لنکن ٹیم پہلے بیٹنگ کرتے ہوئے 188 رنز بنا کر آوٹ ہوگئی،ڈینیئل53 اور باندرا37 رنز بنا کر نمایاں بیٹسمین رہے۔پاکستان کی جانب سے سلیمان شفقت نے شاندار باولنگ کرتے ہوئے 3 کھلاڑیوں کو پویلین کی راہ دکھائی جبکہ شاہین شاہ آفریدی نے2 ،ارشد اقبال نے1 ،محمد زید عالم نے ایک اور کپتان حسان خان نے بھی ایک وکٹ حاصل کی۔گرین شرٹس نے 189 رنز کا ہدف 7 وکٹوں کے نقصان پر حاصل کرلیا،علی زریاب آصف نے سب سے زیادہ59 رنز کی اننگز کھیلی جبکہ محمد زید عالم28 ،عماد عالم12 ،محمد طہ24 رنز بنا سکے، کپتان حسان خان 24 اور محمد موسی23 رنز بنا کر ناقابل شکست رہے۔آئی لینڈرز کی جانب سے رشمیکا نے سب سے زیادہ تین وکٹیں حاصل کیں۔فاتح ٹیم کی جانب سے علی زریاب کو مین آف دی میچ قرار دیا گیا۔خیال رہے کہ پاکستان کی ورلڈ کپ میں یہ دوسری فتح ہے جبکہ پہلے میچ میں اسے افغانستان کے ہاتھوں شکست کا سامنا کرنا پڑا تھا۔قومی ٹیم گروپ ڈی میں 4 پوائنٹس کیساتھ ٹاپ پوزیشن حاصل کرلی ہے جبکہ افغانستان بھی 4 پوائنٹس کے ساتھ دوسرے اور سری لنکا 2 پوائنٹس کیساتھ تیسرے نمبر پر موجود ہے ،آئرلینڈ کی ٹیم کوئی بھی پوائنٹ حاصل نہ کرسکی۔
