اسلام آباد (مانیٹرنگ ڈیسک)بھارت کا زمین سے زمین پر مار کرنے والے بیلسٹک میزائل ’’اگنی فائیو‘‘کا تجربہ، چین کے شمالی علاقوں کو نشانہ بنا سکتا ہے، بھارتی میڈیا خوشی سے قلابازیان لگانے لگا۔ تفصیلات کے مطابق آج صبح بھارت نے زمین سے زمین پر مار کرنے والے بیلسٹک میزائل ’’اگنی فائیو‘‘کا تجربہ کر لیا ہے۔ بھارتی میڈیا کے مطابق بھارت کا یہ میزائل 5ہزار کلومیٹر تک اپنے

ہدف کو نشانہ بنانے کی صلاحیت رکھتا ہے جس سے چین کے شمالی علاقوں کا چپہ چپہ بھارت کے نشانے پر آگیا ہے۔ خیال رہے کہ گزشتہ دنوں اسرائیلی وزیراعظم کے دورہ بھارت کے موقع پر دونوں ممالک کے درمیان دفاعی ڈیل بھی ہوئی ہے جس کے تحت بھارت اسرائیل سے بھاری تعداد میں اسلحہ خریدے گا جس سے پاکستان کی سرحد پر تعینات بھارتی فوجیوں کو مسلح کیا جائے گا۔