انقرہ (آئی این پی)ترک صدر رجب طیب اردگان نے کہا ہے کہ ترک مسلح افواج کے دستے شمالی شام میں کرد ملیشیا گروپوں کے خلاف ایک بڑا آپریشن شروع کرنے ہی والے ہیں۔ غیر ملکی میڈیا کے مطابق ترک صدر اردگان نے اپنی جماعت اے کے پی کے کارکنوں کی ایک ریلی سے خطاب کرتے ہوئے کہا کہ یہ فوجی آپریشن اگلے چند
روز میں شروع ہو جائے گا۔ ترک صدر کے مطابق فرات کی ڈھال نامی اس آپریشن کے دوران ترک دستے ان شامی علاقوں میں اپنی سرگرمیاں بڑھا دیں گے، جو کرد ملیشیا گروپوں کے کنٹرول میں ہیں۔ ساتھ ہی ترک صدر نے انقرہ کے امریکا جیسے اتحادی ممالک سے یہ مطالبہ بھی کیا کہ وہ ان کارروائیوں کی حمایت کریں۔
