کراچی (مانیٹرنگ ڈیسک) معلوم ہوا ہے کہ کراچی میں تعینات امریکی قونصل جنرل گریس شیلٹن نے امریکی صدر ڈونلڈ ٹرمپ کی پالیسیوں کے باعث عہدے سے مستعفی ہونے کا فیصلہ کرلیا ہے اور اپنا استعفی امریکی محکمہ خارجہ کو واشنگٹن بھجوا دیا ہے ۔اس بارے میں ذمہ دار

ذرائع نے بتایا ہے کہ امریکی قونصل جنرل کو امریکی صدر کے حالیہ اقدامات بالخصوص جنوبی ایشیا اور پاکستان کے حوالے سے بنائی گئی پالیسی پر شدید تحفظات ہیں اسی لیے انھوں نے اپنے عہدے سے استعفی دینے کا فیصلہ کیا۔ انہوں نے اپنا استعفی ٰ امریکی چندروز قبل امریکی محکمہ خارجہ کو ارسال کردیا ہے جس کی منظوری کا ابھی انتظار ہے ذرائع کے مطابق کراچی کے ممتاز تاجر وں ، صنعت کاروں اورسفارتکاروں نے قونصل جنرل کو الوداعی عشائیہ دینے کے لیے رابطے کے ہیں جس کے لیے قونصل جنرل نے عشائیے میں شرکت پر آمادگی ظاہر کردی ہے اور اسکی حتمی تاریخ آئندہ ہفتے طے کی جائے گی ۔ذرائع کے مطابق امریکی قونصل جنرل نے ٹرمپ انتظامیہ سے اختلافات کی بنیاد پر عہدے سے استعفی دیا ہے ذرائع نے دعوی کیا ہے کہ امریکی صدر ڈونلڈ ٹرمپ نے جو گزشتہ دنوں پاکستان کے خلاف جارحانہ رویہ اختیار کیا ہے قونصل جنرل اس سے نالاں ہیں۔ واضح رہے کہ پاناما میں ا مریکی سفیر جان فیلے نے بھی امریکی صدر ڈونلڈ ٹرمپ کے ساتھ کام سے انکار کرتے ہوئے اپنے عہدے سے استعفیٰ دیدیا ہے ۔

موضوعات:امریکی قونصل جنرل گریس شیلٹن