ممبئی (این این آئی)رومانٹک میوزک فلم ’عاشقی 2‘ سے شہرت حاصل کرنے والے ہیرو ادیتیا رائے کپورآنے والی ایک فلم میں ولن کے کردار میں نظر آئیں گے تاہم ادیتیا رائے کپور برے نہیں بلکہ ’ایک ولن‘ کے سدھارتھ ملہوترا کی طرح اچھے اور رومانٹک ولن کے روپ میں نظر آئیں گے۔2014 کی ہٹ فلم ’ایک ولن‘ کے سیکوئل بنانے کی تیاریاں شروع کردی گئی ہیں جس میں سدھارتھ ملہوترا کی جگہ ادیتیا رائے کپور ایکشن میں نظر آئیں گے۔ایسٹرن
آئی کے مطابق فلم ساز موہت سوری نے اپنی کامیاب ایکشن فلم کا سیکوئل بنانے کی تیاری مکمل کرلی ٗاس حوالے سے انہوں نے ادیتیا رائے کپور سے بھی رابطہ کیا ہے۔فلم کی ٹیم کے قریبی ذرائع کے مطابق ادیتیا رائے کپور نے سیکوئل فلم کے اسکرپٹ کو پسند کرتے ہوئے اس میں کردار ادا کرنے کی رضامندی بھی ظاہر کردی۔خیال رہے کہ 2014 میں ریلیز ہونے والی ’ایک ولن‘ میں سدھارتھ ملہوترا کے ساتھ شردھا کپور، رتیش دیش مکھ، کمال راشد خان اور آمنہ شریف نے مرکزی کردار ادا کیے تھے۔
