اسلام آباد (مانیٹرنگ ڈیسک) ایک طرف قصور میں زینب کے اغوا اور قتل کے بعد پورے ملک میں سوگ کی کیفیت ہے، معصوم زینب کے قتل پر ملک کے تمام سیاست دان بڑھ چڑھ کر بیان دے رہے ہیں، وہاں ایک روز پہلے نوڈیرو میں ایک پانچ سالہ بچی زیادتی کے بعد قتل کر دیا گیا اور اس معصوم بچی کو گھر لے جانے کے لیے ایمبولینس تک کی سہولت نہ مل سکی، اس افسوسناک واقعہ پر زرداری خاندان اور سندھ کی حکومت کی طرف سے کوئی بیان سامنے نہیں آیا اور نہ ہی کوئی ان کے گھر تعزیت کے لیے پہنچا لیکن
قصور کے واقعہ کے بعد تمام سیاست دانوں بیان بازی شروع کر دی ہے، نجی ٹی وی چینل کی رپورٹ کے مطابق اس بے چاری کوگھر لے جانے کے لیے ایمبولینس تک نہیں ملی اور سابق صدر زرداری کے بیٹے یا کسی بیٹی نے ایک ٹوئیٹ تک نہیں کیا، سندھ کی حکومت کی طرف سے کوئی نوٹس نہیں لیاگیا جبکہ اس بچی کی لاش اس کے گھر والے موٹر سائیکل پر لے کر گئے۔اس رپورٹ کے مطابق بھٹو کے شہر میں تین ننھی بچیوں کی چیخیں صوبائی حکومت کے کسی عہدیدار یا پیپلز پارٹی کے کسی رہنما کو نہیں سنائی دیں۔
