سرگودھا (مانیٹرنگ ڈیسک) سرگودھا کے علاقہ کوٹ مومن کے عوامی اجتماع میں تحریک عدل کا آغاز کر کے عملی سیاست میں آنے والی مسلم لیگی خاتون جمہوریت مریم نواز آئندہ انتخابات میں سرگودھا کے حلقہ این اے 68 سے الیکشن لڑیں گی جس کے لئے مہم چلائی جا رہی ہے

جبکہ اس حلقہ سے رکن قومی اسمبلی سردار شفقت بلوچ کو سینٹیر بنایا جا رہا ہے۔یہ وہ حلقہ ہے جہاں سے 13 20 کے الیکشن میں میاں نواز شریف نے واضع برتری حاصل کر کے کامیابی کے بعد یہ نشست چھوڑ دی تھی اب آئندہ انتخابات میں ان کی صاحبزادی اس حلقہ سے الیکشن لڑیں گی۔ یہاں حکومت مخالف احتجاج کے بانی سجادہ نشین دربار آف سیال شریف پیر خواجہ حمیدالدین سیالوی کا تعلق بھی اسی حلقہ سے ہے اور ان کے مستعفی بھتیجے ایم پی اے غلام نظام الدین سیالوی مسلم لیگی ہیں۔ ذرائع کے مطابق نے سیالیووں نے تحفظ ختم بنوت موقف پر راناثناء اللہ کے مستعفی نہ ہونے کی صورت میں 13 جنوری کو داتادربار لاہور دھرنا احتجاج اور آئندہ الیکشن میں مسلم لیگ ن کی بھر پور مخالفت کا اعلان کر رکھا ہے جس میں ان کے ملک گیر گدی نشینوں،مشائخ،عظام،علماء سے رابطے ہیں۔دوسری طرف میاں نواز شریف نے سرگودھا کے ارکان سے ایک ملاقات میں پارلیمانی سیکرٹری وایم این حامد حمید کو مسلم لیگ ن کے ناراض دھڑوں کو متحد کرنے اور ان کے تحفظات دور کرنے کا ٹاسک دے دیا ہے جو اب رابطہ مہم کے لئے متحرک ہیں۔