نیویارک(این این آئی) معروف امریکی اداکارہ اور ٹی وی میزبان اوپرا ونفری نے دو ہزار بیس میں امریکا کا صدارتی انتخاب لڑنے پر غور شروع کردیا ہے۔ ذرائع نے اس فیصلے کی تصدیق بھی کردی ہے۔امریکی ٹی وی کے مطابق ذرائع نے کہا ہے کہ ونفری2020ء میں امریکا کے صدارتی انتخاب میں امیدوار ہوں گی۔

وہ اس سلسلے میں حتمی فیصلے کے اعلان پر غور کررہی ہیں۔رپورٹ کے مطابق گولڈن گلوب ایوارڈز کے دوران ونفری نے سیسل لائف ٹائم اچیومینٹ ایوارڈ قبول کیا۔ انہوں نے اشارہ دیا کہ وہ صدارتی انتخاب میں امیدوار ہوسکتی ہیں۔ ٹی وی رپورٹ کے مطابق2020ء میں اوپرا ونفری ڈیموکریٹس کی صدارتی امیدوار نامزد ہوسکتی ہیں۔