ممبئی(این این آئی) بالی ووڈ اداکارہ سری دیوی نے فلاحی کاموں کیلئے اپنے ہاتھوں سے بنائی جانیوالی پینٹنگز فروخت کرنے کا فیصلہ کیا ہے۔ رپورٹ کے مطابق سری دیوی اداکاری کے علاوہ پینٹنگ کا شوق بھی رکھتی ہیں اور فلمی مصروفیات کے باوجود پینٹنگز بناتی ہیں۔ سری دیوی نے اب اپنی پینٹنگز کو فلاحی اداروں کی مدد کیلئے فروخت کرنے کا فیصلہ کیا ہے، اگلے ماہ دبئی میں ہونیوالی ایک نمائش میں انکی پینٹنگز کو فروخت کیلئے پیش کیا

جائیگا۔ سری دیوی نے اداکارہ سونم کپور کی ڈیبیو فلم ’’سانوریا‘‘ میں انکے ایک روپ کو پینٹنگ میں ڈھالا ہے۔ امید کی جارہی ہے کہ سونم کپور کی یہ پینٹنگ مہنگے داموں فروخت ہو گی۔ سری دیوی نے مائیکل جیکسن کی بھی پینٹنگ بنا رکھی ہے۔ دعویٰ کیا جارہا ہے کہ ان دونوں پینٹنگز کی بولی کا آغاز 10 لاکھ سے شروع ہو گا۔ یاد رہے کہ 2010 میں انٹرنیشنل آرٹ ہاؤس نے سری دیوی کو پینٹنگز کو فروخت کرنے کی پیشکش کی تھی جو انہوں نے مسترد کردی تھی۔

موضوعات:سری دیوی،فلاحی کام