ریاض (این این آئی)سعودی دارالحکومت ریاض میں بدعنوانی کے ملزمان کیلئے مختص رٹز ہوٹل مسافروں کے لئے بحال کر دیا گیا ہے۔ہوٹل میں یکم فروری 2018ء کے لئے مسافروں کی بکنگ شروع کر دی گئی ہے۔ عرب ٹی وی کے مطابق دوماہ قبل 4 نومبر 2017ء کو رٹز ہوٹل کو بدعنوانی کے ملزمان کے لئے مختص کرتے ہوئے ہوٹل

کو رہائش پذیر مسافروں سے خالی کرا لیا گیا تھا اور نئی ریزرویشن بھی بند کر دی گئی تھی۔ بدعنوانی کے ملزمان کو اس میں ٹھہرا دیا گیا تھا۔ ایوان شاہی نے ولی عہد شہزادہ محمد بن سلمان کی زیر صدارت انسداد بدعنوانی ہائی کمیشن قائم کیا تھا جس نے زیرحراست شہزادوں، وزراء اور اعلیٰ عہدیداروں کی رہائش کا انتظام اسی ہوٹل میں کر دیا تھا۔