اسلام آباد(مانیٹرنگ  ڈیسک) نجی ٹی وی پروگرام میں گفتگو کرتے ہوئے سینئر صحافی اور تجزیہ نگار عارف نظامی نے انکشاف کیا ہے کہ  عمران خان دہشتگردی کیسز سے ضمانت ملنے پر اگلے وزیراعظم ہو سکتے ہیں اور وہ اس وقت اس پوزیشن میں بھی ہیں کہ وہ وزیراعظم بن سکیں ۔انہوں نے مزید کہا کہ آج اگر عمران خان  کہتے ہیں کہ

ایسے قانون جو دہشتگردوں کے لئے بنائے گئے تھے وہ سیاستدانوں کے لئے استعمال ہوتے ہیں ان کو ختم کریں گے ،عارف نظامی نے کہا کہ آئین 62اورآئین63کے تحت جو قانون بنائے گئے تھے وہ اس لئے بنائے گئے تھے  کیونکہ ضیاء الحق کے ذہن میں بات تھی کہ میں ایک کنٹرول جمہوریت لاؤں گا جس سیاست دان کو نکالنا ہو گا اس قانون کے تحت نکال دوں گا ۔جب آصف علی زرداری کی حکومت آئی تھی تو نواز شریف اپوزیشن لیڈر تھے اس قانون کو ختم کیا جانے لگا تو نواز شریف نے مخالفت کی ان کو نہیں پتہ تھا کہ یہ قانون ان کے خلاف بھی استعمال ہو سکتا ہے۔ نواز شریف  نے اس قانون کا آلہ اپنے پاس رکھنے کی کوشش کی تاکہ وہ اس قانون کو اپوزیشن ارکان کے لئے استعمال کر سکیں ۔واضح رہے ملک میں اس سال الیکشن ہونے ہیں جس  کیلئے سیاسی سرگرمیاں عروج پر ہیں ۔